Хаберлер (къырымтатар тилинде) 07.11.18

Бутюн халкъ ичюн фаджиа олгъан эджель. Къырымтатар миллий арекетининъ фаальджиси Юрий Османовнынъ кечингенине йигирми беш йыл толды. Девлет миллетлерара комитети, Ички ишлер назирлигининъ миграцион хызметинен бирликте реабилитация этильген халкъларнынъ гражданларына икямет рухсетнамесини алмагъа ярдым эте. Сувукъ, ярамай къокъугъан ве кирли аджет ери. Сарабуз коюнде мектеп талебелери азбарда ерлешкен кенефке къатнамагъа меджбурлар. Гаспринский адына китапханенинъ окъув залы, вакъытынджа камер театрине чевирильди. Мында, Таджикистан халкъ артисти Ремзие Баккал иджадий акъшамыны кечирип, энъ белли эрбапларны топлады. Халкъларнынъ такъдирлери акъкъында фильмлер. Акъмесджитте эр йыл отькерильген кино-ярыш фестивали олып кечти.
07 ноября 2018